Ատոմ Մարգարյան
© Sputnik
Օգտվելով իրավական բացից` գործատուները հաճախ փորձաշրջանի անվան տակ աշխատեցնում են քաղաքացիներին ու դրա դիմաց ոչինչ չեն վճարում։ Sputnik Արմենիա ռադիոկայանի եթերում, անդրադառնալով հայաստանյան աշխատաշուկայում առկա խնդիրներին, ասել է Ինովացիոն և ինստիտուցիոնալ հետազոտությունների կենտրոնի ղեկավար, տնտեսագետ Ատոմ Մարգարյանը։
«Աշխատանքային օրենսգիրքը «կարվել է» պառլամենտում ներկայացված գործարարների կամ նրանց շահերը լոբբինգ անող պատգամավորների միջոցով։ Եվ տասնամյակներ շարունակ աշխատանքի մարդը ճնշված է եղել»,- ասաց տնտեսագետը։
Նրա խոսքով` գործատուներն օգտվում են նաև գործազրկության բարձր մակարդակից ու ոտնահարում աշխատողների, հանգստի, արձակուրդի իրավունքը, չեն վճարում հավելյալ աշխատաժամանակի ու աշխատանքի դիմաց։