ԵՐԵՎԱՆ, 15 հուլիսի — Sputnik. Առաջին հարցը, որին անդրադարձավ ՀՀ վարչապետը, Հայաստանում ֆուտբոլի վիճակը կարգավորելուն էր վերաբերում։ Ըստ Փաշինյանի` այստեղ փոփոխություններն անհրաժեշտ են:
«Որքանով տեղյակ եմ, պիտի նոր ընտրություններ կայանան ֆեդերացիայում: Ընդհանուր տրամադրությունը հուշում է, որ մեր ֆուտբոլում ևս փոփոխություններ պիտի տեղի ունենան: Ես կարծում եմ, որ շատ մեծ պոտենցիալ կա հայկական ֆուտբոլում կուտակված»,-ասաց նա:
Ըստ վարչապետի` փորձը ցույց է տալիս, որ հաղթում են ու հաջողություն են ունենում այն հավաքականները, որոնք լավ ազգային առաջնություն են ունենում, իսկ Հայաստանի պարագայում դա այդպես չէ:
Նա հավելեց, որ այդ փոփոխությունները պիտի Ֆուտբոլի ֆեդերացիան ստանձնի և իրականացնի: