ԵՐԵՎԱՆ, 14 հուլիսի — Sputnik. Վրաստանի մայրաքաղաք Թբիլիսիում սպանել են 22 տարեկան Գևորգ Սարգսյանին։ Այս մասին հայտնում է «Ռուսթավի 2» հեռուստաընկերությունը։ Անցնելով հետևյալ հղումով` կարելի է տեսնել հարձակման կադրերը։
Հանցագործությունը տեղի է ունեցել ականատեսների ներկայությամբ և արձանագրվել տեսանկարահանող սարքերով։ Հարձակում իրականացրած անձինք երկու ավտոմեքենայով մոտեցել են իրենց զոհի տան մոտ, հարձակվել Սարգսյանի վրա և դանակահարել նրան։
Սարգսյանը հիվանդանոց տեղափոխվելու ճանապարհին մահացել է։
Սարգսյանի հարազատները ենթադրում են, որ երիտասարդի սպանությունը կապված է մի քանի ամիս առաջ ունեցած կոնֆլիկտի հետ։
Սպանության փաստով որևէ մեկին դեռ չեն ձերբակալել։