ԵՐԵՎԱՆ, 9 հուլիսի — Sputnik. ՌԴ նախագահ Վլադիմիր Պուտինի աշխատակազմում շփոթել են երկու հայերի հեռախոսահամարները և Ռուսաստանի ֆուտբոլի միության առաջին փոխնախագահ Նիկիտա Սիմոնյանի փոխարեն զանգահարել են Russia Today-ի և Sputnik-ի գլխավոր խմբագիր Մարգարիտա Սիմոնյանին։ Այդ մասին իր Twitter-յան էջում գրել է Մարգարիտա Սիմոնյանը։
«Բջջայինս զնգաց։ Կանացի ձայն.
— Բարի օր, Սիմոնյա՞նն է։
— Այո։
— Նախագահի աշխատակազմից է։ Միացնում եմ…
Տղամարդու ձայն.
— Բարև Ձեզ, Նիկիտա Պալիչ, թանկագինս»,- գրել է Մարգարիտա Սիմոնյանը։
Russia Today-ի և Sputnik-ի գլխավոր խմբագիրը վերջին ժամանակաշրջանում հաճախ է հետաքրքրիր պատմություններ պատմում սոցիալական ցանցում։ Մի քանի օր առաջ նա պատահաբար հրապարակել էր հայտնի հաղորդավար Թինա Կանդելակիի հեռախոսահամարը։