ԵՐԵՎԱՆ, 5 հուլիսի — Sputnik. Ռուս հաղորդավար և պրոդյուսեր Թինա Կանդելակին և «Ռոսիա սեգոդնյա» ՄՏԳ–ի և Sputnik միջազգային տեղեկատվական գործակալության գլխավոր խմբագիր Մարգարիտա Սիմոնյանը զվարճացրել են օգտատերերին օնլայն ռեժիմով իրենց հարազատների մասին խոսակցություններով։
Թինան իր Telegram ալիքում գրել է, որ զբոսանքի ժամանակ հանդիպել է հայտնի հայ ռեժիսոր Տիգրան Քեոսայանին (Մարգարիտա Սիմոնյանի ամուսինը` խմբ.)։
«Նիկոլյան փողոցով գնում ենք Ամիրան «Խաչ» բլոգերի հետ։ Տեսնում ենք` մեզ ընդառաջ է գալիս կովկասյան վառ դեմք։ Եվ ի՞նչ եք կարծում, ո՞վ է։ Տիգրան Քեոսայանը զբոսնում է Մարգարիտա Սիմոնյանի մոր և քրոջ հետ։ Փեսա չէ, ոսկի է, ոսկի», – գրել է Թինան։
Սիմոնյանը հումորով է պատասխանել. «Ասա` շատ լավն է, չէ՞։ Մինչ ես վարորդական իրավունք եմ ստանում, նա իմ հարազատներին է ման տալիս»։
«Զոքանչին, ոչ թե ուղղակի հարազատներին։ Այնքան լավ էին զբոսնում, մոռացել էին քո և քո վարորդական իրավունքի մասին, վայելում էին եղանակը, մարդկանց։ Իսկական հայեր», – հավելել է Թինան։
Սիմոնյանն ավելացրել է, որ զոքանչը` այսինքն` իր մայրը, ապրում է իրենց հետ։
«Ինչպես և նրա մայրը։ Նրա մայրն անընդհատ պաշտպանում է ինձ, իսկ իմը` նրան։ Այդպես էլ ապրում եքն, կայֆ է, չէ՞», – բացատրել է Սիմոնյանը։
Ահա այսպիսի մտերմիկ և անբռնազբոսիկ զրույց են ունեցել ռուսական մեդիա ոլորտի հայտնի կանայք։
Սիմոնյանը ծանոթացել է Քեոսայանի հետ 30 տարեկանում։ Զույգն ունի երկու երեխա։