Վարդավառի օրը Երևանում խորոված խնձոր կբաժանեն

ԵՐԵՎԱՆ, 6 հուլիսի — Sputnik. Արարատյան Հայրապետական թեմի երիտասարդաց միությունները հուլիսի 7-ին կկազմակերպեն Վարդավառի տոնախմբություն:

Վարդավառ. խնձորի օծումից մինչև մաքրագործում

23 հուլիսի 2017, 12:02

Արարատյան Հայրապետական թեմի տեղեկատվական բաժնից հայտնում են, որ ժամը 18.00-ին մասնակիցները ազգային երգ ու պարով, տոնական մեծ թափորով Արարատյան Հայրապետական թեմի առաջնորդանիստ Ս. Սարգիս եկեղեցուց կքայլեն դեպի Մանկական զբոսայգի:

Այգում կներկայացվեն տոնի ժողովրդական սովորույթները, բեմադրության միջոցով կցուցադրվի Ջրհեղեղի և Նոյի ընտանիքի տապանից դուրս գալու պատմությունը: Կբեմադրվեն նաև խնդումի և պուռմատիկինին նվիրված ծիսական դրվագները, իսկ ցորենի հասկերից խաչբուռ կպատրաստեն: Երիտասարդները խնձոր կխորովեն և կբաժանեն ներկաներին:

Միջոցառումը կավարտվի խորհրդանշական ջրախաղով և աղավնիներ բաց թողնելով:

Թեմի երիտասարդները, «Վերականգնենք մեր ազգային տոները» խորագրի ներքո, ամեն տարի նոր շունչ են հաղորդում ազգային տոներին` վերարթնացնելով ժողովրդական գեղեցիկ սովորությունները:

Праздничное шествие к празднику Вардавар