Գագիկ Սուրենյան
© Sputnik
Սուրենյանը նշում է, որ այս պահին մի փոքր սառը օդային հոսանքներ ենք զգում Սև ծովի կողմից, և ջերմաստիճանը նվազել է մոտ 3-4 աստիճանով։
«Ցերեկային ժամերին Հայաստանի հովտային շրջաններում առավելագույնը մինչև 36-37 աստիճան է, իսկ արդեն ամսի 9-ից 10-ն ընկած ժամանակահատվածում տաք օդային հոսանքների ներթափանցումը կակտիվանա, և այդ օրերին ջերմաստիճանը կրկին կբարձրանա, հովտային գոտիներով կրկին կգրանցվի 40 աստիճան տաքություն»։
Սուրենյանը նշում է, որ եղել են այնպիսի տարիներ, երբ հուլիսի սկզբին 40 աստիճան է գրանցվել։
«Սաստիկ շոգերն ավելի բնորոշ են հուլիսի 2րդ տասնօրյակից հետո, բայց սա աննախադեպ երևույթ չէ»,- նշում է նա։
Գլխավոր օդերևութաբանի խոսքով` առաջիկա երկու-երեք օրերին երեկոյան ժամերին քամի կլինի, իսկ ամսի 9-ից հետո քամու ուժգնությունը կնվազի։