ԵՐԵՎԱՆ, 4 հուլիսի — Sputnik. ՀՀ քաղաքացին որոշել էր իր դժգոհությունն ինքնատիպ ձևով արտահայտել. նա ինչ-որ առարկա է վերցրել և սկսել է իրեն վնասվածքներ հասցնել որովայնի շրջանում։ Դատավորին դա չի համոզել, Լենիկի դատավարությունը շարունակվել է։ ՀՀ քաղաքացի Լենիկ Ստեփանյանի հետ կապված միջադեպի մասին պատմում է 24.kg-ն։
Դեպքը տեղի է ունեցել հուլիսի 3-ին։ Ղրղըզստանի Իսիկ-Ատինսկի շրջանի ՆԳԲ հերթապահ մասն ահազանգ է ստացվել, որ դատապարտյալը դատարանի դահլիճում իրեն մարմնական վնասվածքներ է հասցրել։ Լենիկ Ստեփանյանը դատարանի դահլիճում այդպես է արտահայտել իր բողոքը։ Պարզ չէ` ինչով է նա հարվածներ հասցրել որովայնին, բայց վերքերը մնացել են։
Ստեփանյանն ուզածին չի հասել. դեպքի վայր ժամանած բժիշկները վստահեցրել են, որ վնասվածքները լուրջ չեն։ Լենիկի դատավարությունը շարունակվել է։
Նշենք, որ ընթացիկ տարվա մարտի 15-ին Լենիկ Ստեփանյանին մեղադրանք էր առաջադրվել առողջությանը դիտավորությամբ ծանր վնաս հասցնելու համար։
Իսիկ-Ատինսկի շրջանը Ղրղըզստանի վարչական միավոր է։ Բնակչությունը մոտ 130 հազար է, գրեթե կեսը` ղրղըզներ։