ԵՐԵՎԱՆ, 4 հուլիսի — Sputnik. Էլեկտրաէներգիայի զանգվածային բացակայությունն Ադրբեջանի տարածքում հանգեցրել է ջրամատակարարման լուրջ խափանումների։ Այս մասին հայտնում են ադրբեջանական ԶԼՄ–ները` հղում անելով «Ազերսու» ընկերության հայտարարությանը։ Ընկերությունը նշել էր, որ էլեկտրականության հետ կապված խնդիրների պատճառով օպերատորը չի կարող բնակչությանը խմելու ջրով ապահովել։
«Ազերսուի» մամուլի քարտուղար Անար Ջաբրաիլիի խոսքով` հիմա Քուռի ջրամաքրման կայաններում ու Ջեյրանբաթանում ջրի մաքրումն ու բաժանումը դադարեցվել է։
Հիշեցնենք` հուլիսի 2–ի լույս 3–ի գիշերը Մինգեչաուրի հիդրոէլեկտրակայանում վթար էր տեղի ունեցել։ Պատճառն այդ տեղանքի համար անոմալ շոգն ու բնակչության կողմից էլեկտրականության չափազանց շատ օգտագործելն է։
Այդ պատճառով Ադրբեջանը մի քանի ժամով զրկվել էր էլեկտրականությունից։ Հուլիսի 3–ի երեկոյան էլեկտրականության մատակարարումը կրկին խափանումներով էր իրականացվում։ Բաքվի մետրոպոլիտենը դադարեցրել էր աշխատանքը։