ԵՐԵՎԱՆ, 2 հուլիսի — Sputnik. Հյուսիսային Կորեայի առաջնորդ Կիմ Չեն Ինը որոշել է շրջել ռուսական արտադրության Lada Priora ավտոմեքենայով։ Ինչպես հայտնում է Yonhap գործակալությունը, Հյուսիսային Կորեայի առաջնորդը ստուգումներ է իրականացրել Չինաստանի սահմանի մերձակայքում գտնվող Սինդո գավառում։
Կիմ Չեն Ինն այցելել է 1524 զորամաս, ստուգայցեր է կատարել նաև տեղի շաքարի գործարանում և տնտեսական այլ օբյեկտներում։
Գործակալության տեղադրած լուսանկարներից դատելով` հյուսիսկորեացի առաջնորդը տեղաշարժվում էր ռուսական արտադրության Lada Priora ավտոմեքենայով։ Լուսանկարներից մեկում երևում է, թե ինչպես է նա շրջում մուգ կանաչ մեքենայի հետևի նստատեղին նստած: