Տիգրան Բալայան. այդ ուղղաթիռները ամերիկյան արտադրության չեն
© Sputnik
Ադրբեջանի ձեռք բերած Բելլ-412-ի մասին եղած հրապարակումներն այնքան էլ իրականությանը չեն համապատասխանում։ Այս մասին լրագրողների հետ ճեպազրույցում ասաց ՀՀ ԱԳՆ մամուլի խոսնակ Տիգրան Բալայանը։ Նրա խոսքով` ՀՀ ԱԳՆ–ն այդ հարցով զբաղվել է շատ ավելի վաղ, քան դրանց մասին հրապարակումներ եղել են:
«Մեր տրամադրության տակ եղած տեղեկության համաձայն՝ այդ ուղղաթիռներն ամերիկյան արտադրության չեն: Դրանք արտադրվում են մի քանի երկրներում` ամերիկյան լիցենզիայով։ Այդ ուղղաթիռների գնման ընթացակարգը եղել է ոչ ռազմական օգտագործման համար»,- ասաց նա:
Հիշեցնենք, որ հունիսի 26-ի ռազմական շքերթի ժամանակ Բաքվում ցուցադրվեցին Բելլ-412-ներ: ԱՄՆ–ի օրենսդրությունն արգելում է զենք վաճառել հակամարտող կողմերից որևէ մեկին: