ԵՐԵՎԱՆ, 1 հուլիս — Sputnik. Երեկ երեկոյան արված գրառման մեջ ԱՄՆ նախագահը թիրախավորել էր ԱՄՆ միգրացիոն օրենսդրությունը և դեմոկրատներին։ Օրենսդրությունն արժանացել է «աշխարհում ամենահիմար», իսկ դեմոկրատները` «թուլություն ցուցաբերողներ» որակմանը։
«Երբ մարդիկ մեր երկիր են գալիս ապօրինի, մենք պետք է նրանց անմիջապես արտաքսենք, այլ ոչ թե օրենսդրական մանևրումների վրա տարիներ ծախսենք: Մեր օրենքներն աշխարհում ամենահիմարն են»,- նշված է Թրամփի հաղորդագրության մեջ:
Թրամփը հայտարարել է նաև, որ հանուն բաց սահմանների հանդես եկող ամերիկացի դեմոկրատները թուլություն են ցուցաբերում կրիմինալի նկատմամբ, մինչդեռ հանրապետականները «ամուր սահմաններ են ուզում եւ չեն հանդուրժում կրիմինալ»: