ԵՐԵՎԱՆ, 1 հուլիսի — Sputnik. Վարչապետ Նիկոլ Փաշինյանն այսօր այցելեց Հայրենիքի պաշտպանի վերականգնողական կենտրոն, որպեսզի անձամբ ծանոթանա վիրավոր զինվորների վերականգնման գործընթացին։
Զինվորներին մեկը Փաշինյանին տեսնելիս հանեց հեռախոսը և խնդրեց սելֆի անել, ինչին վարչապետը պատրաստակամությամբ համաձայնեց։
«Մենք պետք է նշենք բոլոր խնդիրները և աշխատենք դրանց լուծման վրա։ Մեր երկրի պաշտպանները չպետք է ինչ-որ բանի կարիք ունենան», — ասաց Փաշինյանը։ Նա խոստացավ առավելագույն ուշադրություն դարձնել զինծառայողների առողջությանը։
Նշենք, որ Երևանի պետական բժշկական համալսարանին կից գործում է վերականգնողական կենտրոն։ Այն ստեղծվել է առանց պետության աջակցության բացառապես բուհի միջոցների, դասախոսների և մասնավոր այլ նվիրատվությունների շնորհիվ։