ՀՀ զինուժը Նախիջևանի հատվածում կանխել է հակառակորդի դիրքերի ամրապնդումը

ԵՐԵՎԱՆ, 1 հուլիսի — Sputnik.  Երեկ երեկոյան և այսօր առավոտյան ադրբեջանական ԶՈւ ստորաբաժանումները նախիջևանյան ուղղության որոշ տեղամասերում փորձել են դիրքային ամրապնդման ինժեներական աշխատանքներ իրականացնել։

Սրան ի պատասխան, ըստ պաշտպանության նախարարի մամուլի խոսնակ Արծրուն Հովհաննիսյանի, ՀՀ զինված ուժերը պատասխան կրակ են բացել և թույլ չեն տվել հակառակորդին կատարել իր խնդիրը:

Հայաստանի զինված ուժերի արձակած կրակից ամբողջությամբ ավերվել ու այրվել է հակառակորդի դիրքերից մեկը: Փոխհրաձգության ընթացքում աննշան վնասվածք է ստացել ՀՀ զինված ուժերի պայմանագրային զինծառայող, 1974 թ. Վահագն Սամվելի Բաղդասարյանը: