ԵՐԵՎԱՆ, 1 հուլիսի — Sputnik. ՀՀ գլխավոր դատախազը չի պատրաստվում հրաժարական տալ: Այս մասին նա հայտարարել է լրագրողների հետ ճեպազրույցում։
Արթուր Դավթյանը, պատասխանելով լրագրողի հարցին, թե՞ չի պատրաստվում արդյոք հրաժարական տալ, ասել է. «Ոչ, չեմ պատրաստվում հրաժարական տալ»:
«Բոլորի աշխատանքում թերացումներ կան, և դատախազությունն ամեն օր իր աշխատանքը ավելի կատարելագործելու և զարգացնելու անհրաժեշտություն ունի»,– հավելել է հանրապետության գլխավոր դատախազը:
Նա շեշտել է, որ դատախազության ղեկավար կազմի համար կարևոր է նկատել առկա սխալներն ու թերությունները և դրանց շտկման ուղղությամբ ձեռնարկել քայլեր։ «Հանրությունը դրա ականատեսը կլինի, և դա շարունակական է լինելու»,–ասել է Դավթյանը։
Նա կարևորել է համակարգին աջակցելու Հայաստանի հասարակության պատրաստակամությունը վերաբերյալ ` շեշտելով դրա կարևորությունը դատախազության աշխատանքի արդյունավետությունը ավելացնելու տեսանկյունից։