ԵՐԵՎԱՆ, 29 հունիսի — Sputnik. Տարածաշրջանի ամենահաջողակ գործարար կանանց մասին պատմել է Ameinfo առցանց հարթակը։
Լիբանանահայ քաղաքական գործիչ Պաուլա Յակուբյանի անունը հայտնվել է լավագույն հնգյակի հինգերորդ հորիզոնականում։
«Ավելի վաղ Պաուլա Յակուբյանը հայտնի էր որպես լրագրող ու հեռուստահաղորդավար։ Նա Լիբանանի ամենահայտնի մարդկանցից է։ Իր կարիերայի ընթացքում նա աշխատել է բազում արաբական հեռուստաալիքներում», — գրում է հոդվածի հեղինակ Էդմոն Աբդուլ Նուրը։
Համաշխարհային բանկի խումբը Պաուրային ընտրել է որպես External Advisory Panel for Diversity and Inclusion-ի փորձագետ` նրա` կանանց իրավունքների պաշտպանությանն ուղղված գործունեության համար։
Պաուրան ամուսնալուծված է, ունի 13 տարեկան որդի, անունը` Պոլ։
Ցուցակում են ներառվել նաև BitOasis բիթքոին-հարթակի հիմնադիր, հորդանանցի Օլա Դուդինը, Եգիպտոսի ներդրումների ու միջազգային համագործակցության նախարար Սահարա Նասրը, Սաուդյան Արաբիայի կոմերցիոն բանկի գլխավոր տնօրեն Ռանիա Նաշարն ու ԱՄԷ-ում բնակվող բժիշկ Ջեյհան Աբդուլ Կադիրը։