Նրա խոսքով` Հայաստանում աղիքային վարակների ակտիվացումը սեզոնային գործոնով է պայմանավորված։
Թորոսյանն ընդգծեց, որ հիմա հիվանդանոցներում հիվանդ երեխաներ կան, բայց խուճապի պատճառ չկա։
«Երբ ասում են` հիվանդ երեխաները շատ են, պետք է հասկանալ, որ այդ երևույթը նկատվում է ամեն տարի ամռանը։ Երեխաների շարքում ծանր կամ ծայրահեղ ծանր հիվանդներ չկան։ 3-4 օրից նրանց դրական դինամիկայով դուրս են գրում հիվանդանոցներից», — ասաց նա։
Առողջապահության նախարարության ներկայացուցիչն ասաց, որ պետք է տարրական կանոնների հետևել` սեփական, ինչպես նաև երեխաների անվտանգությունն ապահովելու համար։
Մասնագետը խորհուրդ է տալիս սնունդը փոքր չափաբաժիններով պատրաստել, պահել բացառապես սառնարանում։ Հետևել երեխաների ճաշացանկին, լցնովի պաղպաղակ չգնել, խուսափել փողոցում վաճառվող, այսպես կոչված, թարմ հյութերից։