ԵՐԵՎԱՆ, 29 հունիսի — Sputnik. Լյուքսեմբուրգի պատգամավորների պալատը վավերացրել է Հայաստանի Հանրապետության և Եվրոպական Միության միջև ստորագրված «Համապարփակ և ընդլայնված գործընկերության մասին» համաձայնագիրը: ՀՀ–ԵՄ համաձայնագիրը վավերացվել է միաձայն քվեարկությամբ։ Դրան կողմ է քվեարկել 58 պատգամավոր:
Այս մասին գրված է Բրյուսելում ՀՀ դեսպանության թվիթերի էջում:
Հիշեցնենք, որ ապրիլի 11-ին համաձայնագիրը միաձայն վավերացրել է նաև ՀՀ Ազգային ժողովը:
ՀՀ–ԵՄ համաձայնագիրը վավերացվել է Լատվիայի, Լիտվայի, Էստոնիայի, Բուլղարիայի, Լեհաստանի կողմից:
Այն վավերացրել է նաև Ռումինիայի խորհրդարանի ստորին պալատը: