Ինչեր ասես չեն մոգոնի սրամիտ և հնարամիտ դիզայներները, մանավանդ` եթե նրանք ապրում են Նյու Յորքում և մանավանդ` եթե նրանք բավական շատ զուգարանի թուղթ ունեն։
Նյու Յորքում մոդելները հարթակ են բարձրացել չօգտագործված (ամեն դեպքում` տպավորությունն այդպիսին է) զուգարանի թղթից պատրաստված հարսանեկան զգեստներով։
Արդեն 14-րդ անգամ է կազմակերպվում նման միջոցառում, որտեղ ցուցադրվում է կենցաղային այդքան կարևոր պարագայից պատրաստված հագուստ։
Եթե հաշվի չառնենք դրանց պատրաստման հումքը, զգեստները բավական գեղեցիկ տեսք ունեն. այդպիսին էին գոնե մոդելների հագին։
Բայց, լավ է մեկ անգամ տեսնել, քան` հազար անգամ լսել. թերթեք լուսանկարները։