ԵՐԵՎԱՆ, 25 հունիսի — Sputnik. Հայաստանի տնտեսությունում առկա բարդություններն անհամեմատելի են 2014թ–ի Ուկրաինայի հետ։ Այս մասին լրագրողներին ասաց Կովկասի ինստիտուտի գիտաշխատող Հրանտ Միքայելյանը։
Հայաստանում իշխանությունը փոխվել է, բայց չի եղել անիշխանության շրջան, նշեց նա։ Նոր իշխանությունն անհապաղ ձեռնամուխ է եղել իր պարտականությունների կատարմանը։ Իսկ Ուկրաինայում կառավարությունը մի քանի անգամ փոխվել է։
«Ուստի արտասահմանյան ներդրողների մոտ խիստ անհանգստություն չի առաջացել», – հավելեց նա։
Դրանից չի նվազել նաև զբոսաշրջիկների հոսքը։ Հակառակը, 2018թ–ի հունվար–մայիսին Հայաստանի օդանավակայանները տեղափոխել են 217 հազար ուղևոր կամ մոտավորապես 5 տոկոսով ավելի, քան 2017թ–ի նույն ժամանակահատվածում։
Ինչ վերաբերում է ազգային արժույթին, հայկական դրամի փոխարժեքը ԱՄՆ դոլարի համեմատ մնում է 480-484 դրամի սահմաններում։ Բողոքի ալիքների ֆոնին փոխարժեքը մի քիչ նվազել է, բայց հետո` վերականգնվել, նշեց Միքայելյանը։
Նշենք, որ Հայաստանի տնտեսական ակտիվությունը հունվար–մայիսին 8,6 տոկոսով աճել է հիմնականում շինարարությունների և ծառայությունների հաշվին։