Ըստ ԱՄՆ-ի օրենսդրության` կառավարությունը չի կարող զենք մատակարարել պատերազմող երկրներին, և Հայաստան ու Ադրբեջանն այդ առումով բացառություն չեն։
Ամերիկյան երկու ուղղաթիռները հայտնվել են Ադրբեջանի զինանոցում, փորձնական թռիչքներ են իրականացրել և ենթադրվում է, որ դրանք կցուցադրվեն ուսումնական վարժանքների շրջանակում։
«Ստացվում է` Ադրբեջանն ունի ամերիկյան 2 ուղղաթիռ, որոնք վաճառել կամ վերավաճառել են Բաքվին։ Հիմա պետք է հստակ գործողություններ մշակենք, որպեսզի պատկերացում ունենանք, թե արդյո՞ք ԱՄՆ-ն այս ուղղաթիռները վաճառել է Ադրբեջանին, թե՞ Ադրբեջանը դրանք ձեռք է բերել երկրորդ կամ երրորդ պետություններից»,-ասաց նա։
Սարգսյանը չբացառեց, որ Սաուդյան Արաբիան, Պակիստանը կամ Թուրքիան, որոնք թշնամաբար են տրամադրված Հայաստանի նկատմամբ, կարող էին այդ ուղղաթիռները վերավաճառել Ադրբեջանին։