Դավթյանի խոսքով` երկրում ստեղծված իրավիճակն այսօր ստիպում է մի շարք ընկերությունների վերանայել իրենց սակագնային քաղաքականությունը և սոցիալամետ քաղաքականություն վարել։
«Դրա ապացույցներից է «Գազպոմ Արմենիայի» որոշումը։ Այս նույն համատեքստում կարելի է դիտարկել նաև Հայաստանի էլեկտրացանցեի հետ ընթացող բանակցությունները»,- ասում է փորձագետը։
Նրա խոսքով` եթե չլինեն տեսանելի նախադրյալներ, ապա իհարկե, դժվար կլինի վարել նման սոցիալամետ քաղաքականություն։
«Մենք միանշանակ կարող ենք փաստել, որ այսօր ստեղծվել է մի իրավիճակ, երբ իսկապես օբյեկտիվորեն, անկախ քաղաքական բաղադրիչից ու երկրում ստեղծված իրավիճակից, «Գազպրոմը» կարող էր գնալ այդ քայլին։ Սակայն, իմ համոզմամբ, այդ քայլը պետք է ուղղված լինի ոչ միայն անապահով խավին, այլ ամբողջ բնակչությանը»,- ասում է Դավթյանը։
Ըստ նրա` գազի շուկայում ստեղծված իրավիճակը թույլ է տալիս եզրակացնելու, որ «Գազպրոմ Արմենիան» այսօր գազի սակագինը մինչև 25 տոկոսով նվազեցնելու հնարավորություն ունի։