ԵՐԵՎԱՆ, 19 հունիսի — Sputnik. Հայաստանի խորհրդարանը տվեց իր համաձայնությունը ԱԺ ՀՀԿ պատգամավոր Մանվել Գրիգորյանի նկատմամբ քրեական հետապնդում հարուցելու համար։
ԱԺ նախագահ Արա Բաբլոյանը հայտարարեց, որ քվեարկությանը մասնակցել է 85 պատգամավոր, որից 81-ը կողմ է քվեարկել, 3-ը` դեմ, 1 քվեաթերթիկ ճանաչվել է անվավեր։
Իսկ ԱԺ պատգամավոր Մանվել Գրիգորյանին ազատությունից զրկելու համաձայնությունը խորհրդարանը կտա առանձին քվեարկությամբ, որը կսկսվի 13։30-ին և կավարտիվ 14։00-ին։
Հիշեցնենք` ՀՀ գլխավոր դատախազությունը ԱԺ երկու միջնորդություն էր ներկայացրել` Մանվել Գրիգորյանի նկատմամբ քրեական հետապնդում հարուցելու և Մանվել Գրիգորյանին ազատությունից զրկելու վերաբերյալ։