ԵՐԵՎԱՆ, 14 հունիսի — Sputnik. Երևան քաղաքի Նուբարաշենի փողոցի տներից մեկի մոտակայքում ավտոմեքենան բախվել է ծառին։ Ծառը շրջվել է ավտոմեքենայի և երթևեկելի հատվածի վրա։ Այս մասին հայտնում է ՀՀ ԱԻՆ պաշտոնական կայքը` նշելով, որ վթարի մասին ահազանգը ստացել է «911» ծառայությունը։
Դեպքի վայր մեկնած փրկարար խումբը պարզել է, «Nissan Teana» մակնիշի ավտոմեքենան վարել է 27-ամյա Ս. Ե-ն։ Նա տեղափոխվել է «Էրեբունի» բժշկական կենտրոն, որտեղ նրա առողջական վիճակը բժիշկները գնահատել են բավարար:
Փրկարարները հոսանքազրկել են ավտոմեքենան և հեռացրել ծառը երթևեկելի գոտուց: