ԵՐԵՎԱՆ, 13 հունիսի — Sputnik. Ռուսաստանցի ոճաբան-վարսահարդար Գեորգի Կոտը հիշել է հայկական արմատներն ու պարել Հանրապետության հրապարակում։
Կոտի գործընկեր-վարսահարդար Արկադին տեսանյութը հրապարակել է Instagram-ի իր էջում։
«Քաղաքի կենտրոնում պարում ենք ես ու ընկերս։ Ինչ հաճելի է զգալ ժողովրդական ոգին, ազգային պարերը, հիանալի երաժշտությունը և այդ ամենը անել լավ ընկերոջ հետ։ Ուրախացի՛ր, Երևան։ Այսօր քեզ վառ գիշեր է սպասվում հիրավի ստեղծագործ մարդկանց ընկերակցությամբ», — տեսանյութին կից գրել է Արկադին։
Տեսանյութում երևում է, որ Գեորգի Կոտն անկեղծ ուրախանում է զուռնայի հնչյունների ներքո։
Բաժանորդներին ուրախացրել է ոճաբանի պարն ու տեսանյութը, նրանք մի շարք մեկնաբանություններ են գրել։ «Ապրեք։ Երկուսդ էլ հզոր վարպետներ եք», «Հայաստան, սիրում եմ քեզ», «Սուպեր», «Մեր հայ տղամարդիկ ամենալավն են, բացի այդ նման գեղեցկություն են ստեղծում», «Կեցցեն մեր սիրելիները։ Միշտ և ամենուր հպարտանում եմ, ասում եմ, որ հայ եք։ Ափսոս, որ Գոհար Ավետիսյանը ձեզ հետ չէ։ Աստված ձեզ առողջություն տա», — գրել են օգտատերերը։
Հիշեցնենք, որ Գեղեցկության միջազգային ակադեմիայի ղեկավար, Վարսահարդարման արվեստի, դիմահարդարման և մատնահարդարման ծառայության ռուսական մշակույթի փառատոնի նախագահ Գեորգի Կոտը հունիսի 13-ին Հայաստանում բարեգործական վարպետության դաս կանցկացնի։