«Նա համբուրում էր տիկնիկներին»․ Գարի Դավթյանի տիկնիկները հիացրել են Պիեռ Ռիշարին

Ֆրանսիացի դերասան և ռեժիսոր Պիեռ Ռիշարը նույնպես եղել է այս տանը։ Այս մասին Sputnik Արմենիայի հետ զրույցում ասաց Դավթյանի կինը՝ Ժաննա Դավթյանը։

1995 թվականին Պիեռ Ռիշարը Վրաստան է մեկնել՝ նկարահանումների։ Երբ նա իմացել է հայտնի տիկնիկագործ Գարի Դավթյանի մասին, որոշել է այցելել նրան ու ծանոթանալ նրա տիկնիկների հետ։

«Նրանք ասես կենդանի լինեն», — բացականչել է դերասանն ու համբուրել բոլոր տիկնիկներին։

Հեռանալիս նա սփռոցի վրա գրել է․ «Այստեղ է եղել Պիեռ Ռիշարը»։

1 / 13

Դավթյանների ընտանեկան թատրոնը։ Զբոսաշրջիկների ու տեղացի այցելուների պակաս այստեղ չկա։

2 / 13

Գարի Դավթյանի տիկնիկները զարմացնում են իրենց կենդանությամբ։

3 / 13

Բացի Պիեռ Ռիշարից, այստեղ է եղել նաև դերասան Ֆրունզիկ Մկրտչյանը։

4 / 13

Մկրտչյանն իր մահից երկու-երեք ամիս առաջ այցելել է Գարի Դավթյանին։

5 / 13

«Գարի, երևի խենթ ես, որ այս խառը ժամանակներում քո մեջ տիկնիկներ ստեղծելու ուժ ես գտնում» - ասել է Ֆրունզիկը վարպետին։

6 / 13

Գարին պատասխանել է` հիմա տոն ստեղծելու ժամանակն է։

7 / 13

Մկրտչյանը խնդրել է Գարի Դավթյանին մի տիկնիկ պատրաստել, որն ուրախություն կպարգևի մարդկանց։

8 / 13

Դերասանը հեռացել է ու այլևս չի վերադարձել (երկու ամսից մահացել է)։ Իսկ վարպետը սկսել է պատրաստել նրա տիկնիկը։

9 / 13

Դավթյանի կինը պատմում է, ու Ֆրունզիկի մահից հետո ամուսինը փոքր-ինչ փոխել է տիկնիկի տեսքը, բայց աչքերն առաջվանն են մնացել։

10 / 13

Գարի Դավթյանի խամաճիկների թատրոնն ավելի քան 25 տարեկան է։

11 / 13

Լուսահոգի վարպետի գործը շարունակում է նրա կինը ՝ Ժաննան։

12 / 13

Գարի Դավթյանի տիկնիկների թատրոնը նաև թատերական զգեստ ու ինտերիեր է ստեղծել։

13 / 13

Թատրոնը հյուրընկալել է Magnum փարիզյան ֆոտոգործակալության սեփականատեր Մարտինա Ֆրանկային, հանրահայտ դերասան Արմեն Ջիգարխանյանին, Լոնդոնի թագավորական կամերային քառյակի ղեկավար Լևոն Չիլինգարյանին։