ԵՐԵՎԱՆ, 7 հունիսի — Sputnik. Հայաստանի արտաքին գործերի նախարար Զոհրաբ Մնացականյանն իր ռուս գործընկեր Սերգեյ Լավրովին Երևան է հրավիրել։ Այս մասին Մոսկվայում կայացած բանակցություններն ամփոփելիս ասաց ՀՀ արտգործնախարարը։
«Մենք ձեզ սպասում ենք Երևանում», — համատեղ ասուլիսի ընթացքում ասաց Մնացականյանը։
Նա ընդգծեց նաև, որ Ռուսաստանի արտգործնախարարի հետ բանակցություններն անցել են կառուցողական ոգով։ Բանակցությունների ընթացքում համագործակցության հարցեր են քննարկվել։
Մնացականյանը նշեց նաև, որ Երևանը բարձր է գնահատում Ռուսաստանի, ինչպես նաև ԵԱՀԿ Մինսկի խմբի ներդրումը` ուղղված արցախյան հիմնախնդրի բացառապես խաղաղ կարգավորմանը։