Արմեն Աշոտյան. վարչապետի ելույթը ավելի լավն էր, քան հարցուպատասխանը, հարցուպատասխանն էլ լավն էր ծրագրից
© Sputnik
«Ստացա կայուն զգացողություն, որ ծրագիրը վարչապետի գրչի տակով չի անցել։ Հակառակ պարագայում, բազմաթիվ` գոնե ոճաբանական խնդիրներ լուծված կլինեին։
Եթե ընդդիմադիր լինեիք, կերազեիք, որ որևէ կառավարություն նման ծրագիր բերեր։ Պատկերացնում եք` ի՜նչ կանեիք, ի՜նչ ելույթներ կունենայիք։ Անկեղծ խոստովանեք, որ մեզ մի քիչ նախանձում եք այս առիթը ունենալու համար։ Դուք մեծ արտիստ էիք, դարձաք շարքային վարչապետ»,–ասաց Արմեն Աշոտյանը։
ՀՀԿ–ական պատգամավորը նշեց, որ շատ լավ ծրագիր է, քանզի ոչ մի թիվ չեք նշել, ոչ մի պարտավորություն չեք վերցրել։ Նրա դիտարկմամբ` Արցախի խնդիրն այնպես է ձևակերպված, որ ոչ մեկ դրանից ոչինչ չի հասկանում։ «Տվեք մեզ Արցախյան կարգավորման հստակ բանաձևը»,–հավելեց Աշոտյանը։