ԵՐԵՎԱՆ, 5 հունիսի — Sputnik. Ամերիկահայ հեռուստաաստղ Քիմ Քարդաշյանը Instagram սոցիալական կայքում արխիվային լուսանկար է հրապարակել, որում պատկերված են փոքրիկ Քլոե Քարդաշյանն ու հայրը` Ռոբերտ Քարդաշյանը։
«Կիրակին հորս ու Քլոե Քարդաշյանի հետ», — Քիմն այսպես է մակագրել լուսանկարը։
Մեկ օրվա ընթացքում հրապարակումն ավելի քան 1,5 միլիոն «հավանության» է արժանացել։ Քիմի ընտանեկան լուսանկարը հուզել է բաժանորդներին։
Վերջերս հեռուստաաստղը հաճախ է հոր արխիվային լուսանկարները հրապարակում։
Քիմ Քարդաշյանը հայտնի ֆոտոմոդել է, դերասանուհի և հաղորդավարուհի, ծնվել է Լոս Անջելեսում 1980 թվականի հոկտեմբերի 21-ին։ Քիմբերլիի հայրը (Քիմի ամբողջական անունը) փաստաբան Ռոբերտ Քարդաշյանն է, ծագումով հայ, որի նախնիները Կարս քաղաքից Կալիֆոռնիա են տեղափոխվել 19-րդ դարում։