ԵՐԵՎԱՆ, 5 հունիսի — Sputnik. Հայտնի շոումեն Գարիկ Մարտիրոսյանը Instagram–ի էջում տեղադրել է Ժորիկ Վարդանովի կերպարում իր գործընկեր Միխայիլ Գալուստյանի լուսանկարը։
Գալուստյանի ստեղծագործական թիմը մտադիր է «Наша Russia» հումորային շոուի հաջողակ հերոս Ժորիկ Վարդանովի մասին սերիալ ցուցադրել։
«Ժորի Վարդանովը Ինսթագրամում գրանցվել է որպես Վասյա։ Բաժանորդագրվեք @jorik_vasya–ին և մեկնաբանություններ գրեք. Ժորիկն անձամբ է բոլորին պատասխանում», – հումորով և քերականական սխալներով մակագրել է հրապարակումը Գարիկ Մարտիրոսյանը։
Վարդանովի «կենսա» բաժնում գրված է, որ նա «Պյատիգորսկի աստղ է, սրտակեր, բնավորությամբ գայլ և կյանքում հաղթող»։
24 ժամվա ընթացքում Պյատիգորսկի «թագավորի» էջին 35.2 հազար մարդ է բաժանորդագրվել։
Ժորի Վարդանովը Պյատիգրոսկի հորինված «Сев-Кав ТВ» քաղաքային հեռուստաալիքի հաղորդավարն է։ Գալուստյանի այս կերպարը ժամանակին գերել էր միլիոնավոր հեռուստադիտողների սրտերը` գոյություն չունեցող հեռուստահաղորդման ուղիղ եթերում իր տաքարյուն, էմոցիոնալ արարքներով։