ԵՐԵՎԱՆ, 5 հունիսի — Sputnik. Ազգային ժողովի պատգամավոր Արտակ Սարգսյանը հայտարարել է իր` Հանրապետական կուսակցությունից և Հանրապետական խմբակցությունից դուրս գալու մասին: Նրա տարածած հայտարարության մեջ գրված է:
«Հարգելի հայրենակիցներ, ակնհայտ և անհերքելի է մեր երկրում նոր իրականության հիմնավորումն ու իրադրության փոփոխությունը: Ելնելով քաղաքական զարգացումներից ու ստեղծված իրավիճակից` ուզում եմ հայտնել ձեզ, որ դիմում եմ ներկայացրել ՀՀԿ-ից ու Ազգային Ժողովի Հանրապետական խմբակցությունից դուրս գալու վերաբերյալ: Որպես անկախ պատգամավոր՝ շարունակելու եմ գործունեությունս ի նպաստ մեր ժողովրդի, Հայաստանի Հանրապետության»:
Հիշեցնենք, որ ՀՀԿ խմբակցությունից հեռանալու մասին արդեն հայտարարել են Արթուր Գևորգյանը, Արման Սահակյանը, Ֆելիքս Ցոլակյանն ու Շիրակ Թորոսյանը: