ԵՐԵՎԱՆ, 3 հունիսի — Sputnik. Իսրայելական հակաօդային պաշտպանության համակարգը որսացել է հրթիռ, որն արձակվել էր Իսրայելի ուղղությամբ Գազայի հատվածից: Այս մասին հայտնում է ՌԻԱ Նովոստին՝ հղում անելով իսրայելական բանակի մամուլի ծառայությունը:
«Գազայի հատվածից երկու հրթիռներ են արձակվել Իսրայելի տարածքի ուղղությամբ: «Երկաթե գմբեթ» համակարգը որսացել է դրանցից մեկը, երկրորդը, հավանաբար, ընկել է Գազայի հատվածի տարածքում»,-ասվում է հաղորդագրությունում:
Իսրայելական զինված ուժերը պատասխան հարված են հասցրել:
Ավելի վաղ ԱՄՆ-ն արգելափակել էր պաղեստինա-իսրայելական հակամարտությանն առնչվող ՄԱԿ-ի Անվտանգության խորհրդի բանաձևի նախագիծը, որը դատապարտում էր պաղեստինցիների դեմ Իսրայելի կողմից ուժի կիրառումը: