ԵՐԵՎԱՆ, 3 հունիսի — Sputnik. Ռուս սահմանապահները բռնել են 2 անհայտ անձի, որոնք փորձում էին անօրինական կերպով հատել Հայաստանի սահմանը: Այս մասին հայտնում է ՀՀ-ում տեղակայված ՌԴ սահմանապահ զորքերի մամուլի ծառայությունը:
Դեպքը գրանցվել է մայիսի 31-ին Արտաշատի շրջանի Սուներանվանի սահմանապահ մասում: Ժամանակակից սահմանապահ տեխնիկայի շնորհիվ հաջողվել է կարճ ժամանակում նկատել և բռնել չարագործներին:
Սահմանախախտները հանձնվել են ՀՀ իրավապահ մարմիններին:
Այս պահին կատարվում են համապատասխան գործողություններ՝ կատարվածի դրդապատճառն ու բոլոր մանրամասները պարզելու համար: