Մելիքյանը նշում է, որ նախկին իշխանություններից մնացել են որոշ նախագծեր, որոնք շարունակվում են` էներգահամակարգերի ինտեգրման նախագիծը, էներգակամրջի որոշ ենթակառուցվածքային նախագծեր։
«Լարսի թեմայի հետ կապված` շատ կարևոր է, որ վրացական իշխանությունները ֆինանսավորում են և արդեն սկսում են իրականացնել շատ կարևոր ենթակառուցվածքային նախագիծ»,- նշում է նա։
Մելիքյանի խոսքով` 20 մլն դոլարով կառուցվելու է թունել, որը կապահովի զուգահեռ ճանապարհ։ Այդ ուղին սարի միջով ապահով կտանի մինչև Վերին Լարսի անցակետը։ Դա հնարավորություն կտա ձմռանը խուսափել ձյան հետ կապված խնդիրներից, իսկ ամռան ամիսներին` սողանքներից։
«Կարևոր է նշել է, որ սա ոչ միայն մեզ համար է կարևոր։ Վրաստանի արտաքին առևտրի գործընկերը ռուսական շուկան է։ Ուստի շատ կարևոր է նաև իրենց համար»,- նշեց նա։
Մելիքյանի խոսքով` այս պարագայում մենք պետք է ակտիվ աշխատենք ռուսական կողմի հետ և արագացնենք Վերին Լարսի ռուսական կետի արդիականացման գործընթացը։