Ի՞նչ են քննարկել Փաշինյանն ու Կվիրիկաշվիլին. մանրամասներ է հայտնում Վրաստանի վարչապետը

Премьер-министры Армении и Грузии Никол Пашинян и Георгий Квирикашвили на совместном брифинге (30 мая 2018). Тбилиси
Հայաստանի և Վրաստանի կառավարությունները մտադիր են խորացնել առևտրատնտեսական համագործակցությունը։
Sputnik

ԵՐԵՎԱՆ, 30 մայիսի — Sputnik. Հայաստանի վարչապետ Նիկոլ Փաշինյանը և Վրաստանի վարչապետ Գեորգի Կվիրիկաշվիլին պայմանավորվել են վերսկսել տնտեսական համագործակցության հանձնաժողովի գործունեությունը։ Այդ մասին վրացական պետության ղեկավարը հաղորդել է Թբիլիսիում հայ գործընկերոջ հետ համատեղ ճեպազրույցում։

«Առաջիկայում տեղի կունենան աշխատանքային խմբերի բանակցությունները, որոնք կնախապատրաստեն երկկողմ տնտեսական հանձնաժողովի հանդիպումը», — ասաց Կվիրիկաշվիլին։

Կողմերը նշել են հանձնաժողովի աշխատանքի ծրագիրը և պայմանավորվել դրա գործունեության սկզբունքների մասին։

Փաշինյանն ու Կվիրիկաշվիլին քննարկել են տարբեր ոլորտներում գործակցելու հարցերը, ինչպես նաև ընդգծել ինտենսիվ քաղաքական երկխոսություն վարելու պատրաստակամությունը։

Премьер-министр Грузии Георгий Квирикашвили встретил премьер-министра Армении Никола Пашиняна в администрации правительства Грузии (30 мая 2018). Тбилиси
Փաշինյանը վրացի գործընկեր Կվիրիկաշվիլուն հրավիրեց Երևան

«Մենք քննարկել ենք զբոսաշրջության, էներգետիկայի, կրթության, նորարարության, տրասնպորտի և մշակույթի ոլորտներում համագործակցելու հարցերը։ Ուշադրություն ենք դարձրել տարածաշրջանային և միջազգային կառույցներում գործակցելու հարցերին», — ասաց Կվիրիկաշվիլին։

Բացի այդ, կողմերը դիտարկել են տարածաշրջանի առջև ծառացած մարտահրավերները, ինչպես նաև նշել Հարավային Կովկասում կայունության և անվտանգության կարևորությունը։

«Մենք պատրաստ ենք կանոնավոր հանդիպումներ անցկացնել, պահպանել բարձր մակարդակով իրականացվող այցերի դինամիկան, գերատեսչությունների համագործակցությունը», — ավելացրեց Վրաստանի վարչապետը։

Կվիրիկաշվիլին խորհրդանշական է համարում, որ Փաշինյանի առաջին պաշտոնական այցը Վրաստան կայացել է Առաջին Հանրապետությունների 100-ամյակի տոնակատարությունների ֆոնին։

Նա նաև հավելել է, որ Վրաստանում ուշադրությամբ հետևում են Հայաստանի ներքաղաքական իրադարձություններին։

«Հայ ժողովուրդը աշխարհին ցույց տվեց ժողովրդավարության և միասնականության օրինակ», — ասաց Վրաստանի վարչապետը։

Հայկական պատվիրակությանը «Շոթա Ռուսթավելի» միջազգային օդանավակայանում դիմավորել է Վրաստանի արտաքին գործերի նախարար Միխեիլ Ջանելիձեն։ Ավելի ուշ տեղի է ունեցել Փաշինյանի և Ջանելիձեի հանդիպումը։