ԵՐԵՎԱՆ, 28 մայիսի — Sputnik. Անվտանգության խորհրդի քարտուղար Արմեն Գրիգորյանն արդեն ծանոթացել է իր նոր աշխատանքին, որը նրա խոսքով, իրեն անծանոթ ոլորտ չէր։ Այս մասին նա հայտնեց այսօր Սարդարապատի հուշահամալիրում լրագրողների հետ զրույցում։
«Անվտանգությունը մի քիչ լայն հասկացողություն է։ Օրինակ` զորահավաք կազմակերպելու համար պետք է ունենալ զարգացած ենթակառուցվածքներ, զարգացած ենթակառուցվածքներ ունենալու համար պետք է ունենալ զարգացած տեղական ինքնակառավարում»,- ասաց նա։
Անվտանգություն ապահովելու համար պետք է ծանոթ լինել երկրի ամբողջ կառուցվածքին։
Իր`արևմտամետ լինելու մասին հարցին Արմեն Գրիգորյանն այսպես պատասխանեց. «ՀՀ ԱԽ քարտուղարը պետք է լինի հայաստանակենտրոն, և ես հայաստանակենտրոն եմ։ Հայացքներս ոչ թե արևմտամետ են, այլ ժողովրդավարության կողմնակից եմ։ Իսկ ժողովրդավարությունն ավելի շատ ասոցացվում է արևմուտքի հետ, բայց ժողովրդավարությունը ոչ միայն արևմտյան արժեք է, այլ համամարդկային»,- ասաց Վանեցյանը` հավելելով, որ ժողովրդավարության առաջին փորձերն արվել են դեռ Առաջին հանրապետությունում, որտեղ նաև առաջին կին դեսպան է եղել։
ԱԽ քարտուղարը նշեց նաև, որ Հայաստանը շարունակելու է այն անվտանգության քաղաքականությունը, որը նախկինում եղել է և մնալու է ՀԱՊԿ-ում։