ԵՐԵՎԱՆ, 25 մայիսի — Sputnik. Դիետոլոգ Լիլիթ Բաբասյանը Անդրեյ Մալախովի «Ուղիղ եթեր» հեռուստանախագծի հյուրն է եղել։ Դերասան Ալեքսանդր Բաբասյանի կինն այս մասին պատմեց Sputnik Արմենիային։
«Մենք խոսեցինք, թե ինչպես կարելի է ճիշտ և գրագետ նիհարել։ Բոլորին շատ դուր եկավ», — Sputnik Արմենիային ասաց Բաբասյանը։
Հաղորդման եթերում նա նաև պատմել է, թե ինչ խնդիրներ կարող են առաջանալ, եթե մարդը որոշի նիհարել դեղամիջոցներով։
«Ես ինքս ժամանակին փորձում էի նիհարել չուտելով, դիետա պահելով, դեղեր օգտագործելով։ Այդպես մինչև 18 տարեկան։ Մի օր ես ղեկի դիմաց ուշաթափվեցի և լուրջ ավտովթարի մեջ հայտնվեցի», — պատմեց Բաբասյանը։
Ողբերգական դեպքից հետո երդվեց, որ նիհարելու համար երբեք դեղեր չի օգտագործի։
«Նիհարելու համար նախատեսված դեղամիջոցները մեծ բիզնես է։ Վաճառում են համացանցում, կարելի է գտնել և գնել առանց դեղատոմսի… 18 տարեկանում այդ մասին չես մտածում։ Քեզ թվում է, թե այդ կախարդական հաբը քեզ կփրկի։ Քեզ ընդհանրապես չի հետաքրքրում` առողջությունդ կկորցնե՞ս, թե՞ կյանքդ», — նշեց նա։
Լիլիթը պատմեց նաև, որ ապրումներ է ունեցել սերիալների աստղ Ալեքսանդր Բաբասյանի հետ ամուսնանալուց առաջ։ Նրա խոսքով` կարևոր օրվան ընդառաջ նա սթրեսից նիհարել է, բայց հարսանիքից հետո կրկին քաշ է ավելացրել։
Այսօր նա հիանալի տեսք ունի։ Հաղորդման եթերում նա իր կազմվածքը ցուցադրել է հանդիսատեսին։