ԵՐԵՎԱՆ, 24 մայիսի — Sputnik. «Հիմնադիր խորհրդարանի» նախագահ Գարեգին դադարեցրեց հացադուլը։ Այսօր Մատենադարանի մոտ` նրա հացադուլի վայրում, նրան տեսակցության է գնացել ՀՀ վարչապետ Նիկոլ Փաշինյանը, ով ավելի ուշ իր ֆեյսբուքյան էջում գրել էր. «Ուրախ եմ տեղեկացնել, որ Մատենադարանի մոտ քիչ առաջ տեղի ունեցած մեր հանդիպումից հետո Գարեգին Չուգասզյանը դադարեցրեց հացադուլը»։
«Այն պահանջները, որ ես դրել էի, ամբողջությամբ բավարարված են»,–լրագրողների հետ զրույցում ասել է Չուգասզյանը` կարևորելով այսուհետ հանրության մեջ փոխադարձ հանդուրժողականության մթնոլորտի ու վստահության առկայությունը։
Հիշեցնենք` «Հիմնադիր խորհրդարանի» նախագահ Գարեգին Չուգասզյանը հետախուզման մեջ էր 2016 թվականի հուլիսից, և 2018թ–ի ապրիլին, վերադառնալով Հայաստան, ձերբակալվել էր ապրիլի 24-ին, այնուհետև կալանավորվել ու որոշ ժամանակ անց ազատ արձակվել։
Կալանավայրից դուրս գալուց հետո նա նշել էր, որ չի դադարեցնելու հացադուլը, քանի դեռ քաղբանտարկյալներն ազատ չեն արձակվել: