Նիկոլ Փաշինյան
© Sputnik
ՀՀ վարչապետ Նիկոլ Փաշինյանը խոստացավ, որ Հայաստանը կունենա դատական անկախ համակարգ։
«Բաղրամյան 26-ից դատավորներին ուղղված հրահանգներ չեն լինելու։ Դատավորները պետք է իրենք որոշումներ կայացնեն և իրենք էլ կրեն իրենց որոշումների պատասխանատվությունը»,- ասաց Փաշինյանը ֆեյսբուքյան իր էջում հերթական ուղիղ եթերի ժամանակ։
Նրա խոսքով` որևէ մեկն իրավունք չունի ազդելու դատավորի վրա։
«Հրահանգ տվողներն ու ընդունողները կպատժվեն։ Էլ չեմ ասում կաշառք վերցնելու ու կաշառքով որոշում կայացնելու մասին»,- ասաց վարչապետը։
Նա իր եթերն ավարտեց «Կեցցե անկախ դատական համակարգը» նախադասությամբ և վստահեցրեց` մենք կունենանք այդպիսի համակարգ։