ԵՐԵՎԱՆ, 16 մայիսի — Sputnik. Հանրապետության շրջանների զգալի մասում առաջիկա 4 օրերին անձրևները կշարունակվեն։ Այս մասին հայտնում է «Հիդրոմետ» ծառայությունը։
Երեկոյան անձրևները կուղեկցվեն ամպրոպով, որի ժամանակ քամու ուժգնությունը կարող է հասնել 15-20 մ/վ արագության։
Օդերևութաբանների կանխատեսմամբ`հանրապետության առանձին շրջաններում հնարավոր է նաև կարկուտ:
«Օդի ջերմաստիճանը 15-19-ը կբարձրանա 3-5 աստիճանով»,– նշված է հաղորդագրության մեջ:
Երևանում նույնպես մայիսի 16-ին ժամանակ առ ժամանակ անձրև կտեղա։
Այսօր մայրաքաղաքում ջերմաստիճանը ցերեկային ժամերին կարող է հասնել 24 աստիճան տաքության։