Խորհրդարանական մեծամասնություն կազմող ՀՀԿ-ն հայտարարել է, որ ընդդիմություն է դառնում, այսինքն ցանկության դեպքում ընդդիմադիր մեծամասնությունը կարող է տապալել կառավարության բոլոր օրենսդրական նախաձեռնությունները։
Վարդան Այվազյանի խոսքով` իրավիճակն իսկապես ոչ ստանդարտ է, ընդ որում` ՀՀԿ-ի հայտարարությունը չի տեղավորվում քաղաքական համակարգի տրամաբանության մեջ, քանի որ ընդդիմության կարգավիճակը ենթադրում է, որ այդ ուժը խորհրդարանում փոքրամասնություն է կազմում։
«Եթե ՀՀԿ-ն ընդդիմություն է դառնում, ապա իրավական կարգավորումների համաձայն, հանրապետականները պետք է հրաժարվեն խորհրդարանի նախագահի, երկու փոխնախագահների պաշտոններից։ Պետք է փոխել խորհրդարանական հանձնաժողովների նախագահների թվի հարաբերակցությունը։ Սակայն հանրապետականներն այդ քայլերին չդիմելով` իրենց հռչակել են ընդդիմություն», — նշեց Այվազյանը։
Փորձագետի խոսքով` դա նույնն է, թե մեր երկրում հայերն իրենց հռչակեն ազգային փոքրամասնություն։