ԵՐԵՎԱՆ, 10 մայիսի — Sputnik. Երևանի քաղաքապետարանի շենքի դիմաց այս պահին բողոքի ակցիա է։ Տասնյակ քաղաքացիներ են հավաքվել և պահանջում են քաղաքապետ Տարոն Մարգարյանի հրաժարականը:
Հավաքվածները իրենց հետ բերել են «Քեզ տանելը անտանելի է, Տարոն», « Տարոն քո հերթն ա» կոչերով պաստառներ:
Ակցիայի նախաձեռնողներից Զառա Հովհաննիսյանը նշեց, որ իրենք պահանջում են Տարոն Մարգարյանի հետ հանդիպում, որպեսզի նա գա ու լսի ցուցարարների տեսակետներն ու պահանջները:
Ցուցարարները քաղաքապետարանի բարձրաստիճան պաշտոնյաների լուսանկարներ են պատրաստել` ներքևում նշելով քաղաքապետարանի ճոխ ծախսերի մասին: Նշենք նաև, որ այստեղ են «Երկիր ծիրանի» կուսակցության անդամները:
Ի դեպ, «Մերժենք Տարոնին» անունը կրող բողոքի ակցիան կազմակերպվել է «Ֆեյսբուք» սոցիալական ցանցի միջոցով: Այն որևէ կապ չունի «Իմ քայլը» նախաձեռնության հետ։