ԵՐԵՎԱՆ, 7 մայիսի — Sputnik. ԱԺ ՀՀԿ խմբակցությունը վաղվա նիստում աջակցելու է Նիկոլ Փաշինյանին ընտրվելու ՀՀ վարչապետի պաշտոնում։ ՀՀԿ գրասենյակում կայացած կուսակցության գործադիր մարմնի և խմբակցության նիստից հետ լրագրողներին հայտնեց ՀՀԿ խոսնակ Էդուարդ Շարմազանովը։
«Եթե չեմ սխալվում Փաշինյանի օգտին հավաքվել է 45 ստորագրություն, և ՀՀԿ խմբակցությունը համապատասխան քանակով ձայներ կապահովի, որպեսզի մենք վաղն ընտրենք վարչապետ»,- ասաց Շարմազանովը։
Նա նաև նշեց, որ կողմ քվեարկող պատգամավորներն ընտրվել են կուսակցության որոշմամբ։ Բայց թե ովքեր են նրանք, ՀՀԿ խոսնակը չցանկացավ բացահայտել։
Հիշեցնենք` ՀՀԿ ԳՄ և խմբակցության նիստերը վարել է կուսակցության նախագահ Սերժ Սարգսյանը:
Նիստի օրակարգում մայիսի 8-ին կայանալիք վարչապետի ընտրությանը ՀՀԿ խմբակցության քվեարկության հետ կապված հարցերն էին: