ԵՐԵՎԱՆ, 6 մայիսի — Sputnik. Թրամփն ինչ որոշում էլ կայացնի միջուկային գործարքի վերաբերյալ, Իրանը դիմադրություն կցուցաբերի։ Այս մասին հայտնել է Իրանի նախագահ Հասան Ռոուհանին այսօր՝ ելույթ ունենալով իրանական Սաբզևառ քաղաքի բնակիչների առջև։ Հեռարձակունը վարում էր Press TV հեռուստաալիքը։
«Եթե Ամերիկան դուրս գա միջուկային համաձայնագրից, կզղջա դրա մասին այնքան, որքան իր պատմության մեջ դեռ երբեք չի զղջացել», — Ռոուհանիի խոսքերը մեջբերում է Reuters-ը։
Ռոուհանին հայտնել է, ու Ատոմային էներգետիկայի իրանական կազմակերպությունն ու տնտեսկան սեկտորը դիմակայելու են «երկրի դեմ ուղղված ամերիկյան դավադրություններին»։
Ավելի վաղ Թրամփն առաջարկում էր Իրանի հարցով նոր համաձայնագիր կնքել գործողությունների համատեղ համապարփակ ծրագրի (ԳՀՀԾ) փոխարեն։ Նա նաև հայտնել է, որ երկարացնում է Իրանից պատժամիջոցները հանելու ռեժիմը ԳՀՀԾ միջուկային ծրագրի շրջանակում։
Թրամփը պետք է հայտնի միջուկային համաձայնագրի վերջնական որոշումը մայիսի 12-ին, հենց այդ օրը լրանում է Թեհրանի նկատմամբ պատժամիջոցների սառեցման ժամկետը։