ԵՐԵՎԱՆ, 5 մայիսի — Sputnik. 2018թ-ի Փհենչհանի օլիմպիական խաղերի արծաթե մեդալակիր Եվգենյա Մեդվեդևա-Բաբասյանը կարող է փոխել սպորտային քաղաքացիությունը և ընդունել հայկականը, հաղորդում է vesti.ru–ն։
Հիշեցնենք` նախօրեին հայտնի է դարձել, որ 2018թ-ի օլիմպիական խաղերի արծաթե մեդալակիր Եվգենյա Մեդվեդևան որոշել է լքել մարզիչ Էթերի Տուտբերիձեին։
«Առայժմ հայտնի չէ, թե ով կլինի Մեդվեդևայի մարզիչը, հավանական թեկնածուներից մեկը կանադացի Բրայան Օրսերն է։ Մեդվեդևան այդ նորությունն առայժմ չի մեկնաբանել», — նշված է հաղորդագրությունում։
Օրսերն աշխատել է ժամանակակից գեղասահքի լեգենդներ՝ կրկնակի օլիմպիական չեմպիոն Յուձուրու Հանյուի և աշխարհի կրկնակի չեմպիոն Խավյեր Ֆերնանդեսի հետ։
Ինչպես ռուսական ԶԼՄ-ներին հաղորդել է աղբյուրը, Ռուսաստանում կանանց մենասահքում բարձր մրցակցության պատճառով Մեդվեդևան կարող է սկսել ելույթ ունենալ Հայաստանի հավաքականում (Ժենյայի հայրը հայ է՝ Արման Բաբասյան)։
Այդ դեպքում Մեդվեդևան ընկնում է կարանտինի ժամկետի տակ՝ վերջին ելույթից սկսած երկու տարի։