Նրա խոսքով` կուտակումներ և զինտեխնիկայի տեղաշարժերը նկատելի են։ Բայց սահմանում նման տեղաշարժերը պայմանավորված են բազմաթիվ գործոններով։
«Կան ավանդական քաղաքական գործոններ։ Տվյալ դեպքում մայիս ամիսն է, եռատոնին ժամանակահատվածը շատ յուրահատուկ է ոչ միայն մեր, այլ նաև հակառակորդի համար։
Այս տարի լրանում է իրենց ամենամեծ տարածքային կորուստների 25-ամյակը, երբ նրանք կորցրեցին 6 տարածք։ Այս ամենը պարարտ հող է ստեղծում նրանց ակտիվանալու և իրենց հասարակության ուշադրությունը շեղելու»,-ասում է Բաբայանը։
Նա նաև հիշեցնում է, որ չպետք է մոռանալ, որ Ադրբեջանի իշխանություններն ուշի-ուշով հետևում են, թե ինչ է կատարվում Հայաստանում և Արցախում։ Նրանց համար ցանկալի է, որ մեզ մոտ իրավիճակը վատթարանա։ Հետևաբար, բոլոր քաղաքական գործընթացները պետք է ընթանան քաղաքակիրթ, խաղաղ ճանապարհով։ Որևէ մեկը չպետք է թույլ տա, որ իրավիճակն անկայունանա` անկախ որ ճամբարում է գտնվում։