ԵՐԵՎԱՆ, 30 ապրիլի — Sputnik. Աֆղանստանի մայրաքաղաք Քաբուլում այսօր երկու պայթյուն է որոտացել։ Այս մասին հաղորդում է ՌԻԱ Նովոստին։
Նշվում է, որ հարձակման հետևանքով մահացել է առնվազն 30 մարդ, որոնց թվում 7 լրագրող կա։ Ավելի քան 40 մարդ տուժել են։
Պայթուցիկներից մեկը գործի է դրվել Աֆղանստանի Անվտանգության ազգային ղեկավարության շենքի մոտ։ Չի բացառվում, որ հարձակումն իրականացվել է մահապարտ ահաբեկչի միջոցով։
Մյուս պայթուցիկ սարքը գտնվել է մոտոցիկլետի մեջ։
Առայժմ որևէ ահաբեկչական խմբավորում չի ստանձնել հարձակման պատասխանատվությունը։