ԵՐԵՎԱՆ, 25 ապրիլի — Sputnik. «Հայկական ժամանակը» գրում է. «Սերժ Սարգսյանի պաշտոնավարման երրորդ ժամկետի դեմ շուրջ 11 օր տևած անհնազանդության գործողություններից հետո զանգվածային անկարգություններին մասնակցելու մեղադրանքով մեկուսարանում հայտնված մի քանի հարյուր քաղաքացիները երեկվա դրությամբ ազատության մեջ էին։
Այս տեղեկությունը մեր զրույցում հաստատեց Քաղաքացիական պայմանագիր կուսակցության վարչության փոխնախագահ Արայիկ Հարությունյանը։
Նա ասաց, որ թիվ հստակ նշել չի կարող, քանի որ քաղաքացիներին մի բաժնից մյուս բաժին են տեղափոխել, և խնդրեց այդ տվյալները վերցնել ոստիկանությունից։
Նա միաժամանակ ասաց, որ նախօրեի կեսգիշերին ունեցած տեղեկությունների համաձայն, բոլորն ազատ են արձակվել, վերջին ազատ արձակվածը Գյումրիի ժուռնալիստների «Ասպարեզ» ակումբի ղեկավար Լևոն Բարսեղյանն է»։