ԵՐԵՎԱՆ, 20 ապրիլի — Sputnik. Այսօր առավոտյան Աբովյանի բնակիչները փակել են Աբովյան-Երևան մայրուղին։ Ոստիկանների ու ցուցարարների միջև բախում է տեղի ունեցել, երբ ոստիկանները փորձել են բացել փողոցը։
Ոստիկաններին այս պահին հաջողվել է բացել մայրուղին ու վերականգնել երթևեկությունը:
Շուրջ 30 րոպե արգելափակված մնալուց հետո ոստիկանները ակտիվիստներին ստիպել են բացել այն:
Դեպքի վայրից բերման են ենթարկվել մի քանի ակտիվիստներ: Բերման ենթարկվածների մեջ է նաև լրագրող Տիրայր Մուրադյանը։
Ականատեսների պնդմամբ` ոստիկանների և հավաքի մասնակիցների բախման հետևանքով կան վնասվածքներ ստացած անձինք: