ԵՐԵՎԱՆ, 18 ապրիլի — Sputnik. Գյումրիում այս պահին ազատ են արձակվել բերման ենթարկված բոլոր քաղաքացիները: Ինչպես հայտարարված էր նախապես, ժամը 18:00-ին բողոքի ակցիայի մասնակիցները, 1 ժամ դադարից հետո, հավաքվեցին Գյումրու Թատերական հրապարակում:
Հենց ոստիկանության բաժնից անմիջապես հրապարկ էին եկել բերման ենթարկվածները: Հավաքվածները նրանց ծափերով դիմավորեցին: Ապա` ակտիվիստ Կարեն Պետրոսյանը հայտարարեց, որ բերման ենթարկելով խնդիր չի լուծվի ու ցանկացած պահի Գյումրիում ևս պատրաստ են շարունակել անհրաժեշտ գործողությունները, իսկ այս պահին բոլոր ցանկացողներին վերջինս առաջարկեց մնալ հրապարակում:
Ակտիվիստը նաև կոչով դիմեց ՀՀ Շիրակի մարզի դատախազին՝ խնդրելով հետամուտ լինել բողոքներին:
Այս պահին Թատերական հրապարակում հանգիստ վիճակ է: